Isku Xidhka Taariikhda

Gabay - codka Negeeye Xirsi (click here)

Dhulbahantaba u babac dhige quwado baawaralahaaye,
Ingiriiska waa tay badeen joog Berbera uune,
Banaankii ma waayine naftaa baaqimaad jecele,
Talyan baaci Cagadhiig illaa Bay iyo Bakoole,
Beledweyne waa tuu barqaba dhigay buruudkiise,
Nin Qayaada oo badhaxla' oo baarqabaa dhalaye,

Ajuuraanna Burtuqiis ayay keenno barayeene,
Waa tay Baraawe iyo Xamar u gu badheedheene,
Axmed-Gurey wuxuu Xabashi baday buuggu wuu qoraye
Bartire iyo Wiilwaal Jigjiga baylah may dhigine,
Gerina u badheedh Mililikhii balagta dheeraaye,
Ogaadeenna baalkii xornimo baasheheed noqoye,
Bilo soddon gu' dheer bay dabkaa sii balbaliyeene,

Soomaalidu jirtooyooy bugtadi weli ka soo baanan,
Biixi dhigayse aarkuba hadday luguhu boodaane,
Biyamaal ku filan Keenyadii dacasha buurnayde!

Curiye: Negeeye Xirsi

Shantii(5) tiir ee Islaamka.

 

●Eeeboow marag iga ahoow.
●Markhaataan kaa dhigtaye.

●Adaa imaqlee Raboow.
●Waxaan kuu qiray macbuud.
●Inaa tahay maalik wayn.
●Midkii qudhahee jiree.
●Aduunyada maamulee.
●Wixii maqan kii qarsoon.
●Midkii muuqdee banaan.
Mid aan waligii la arag.
●Mid soo baxay daahirka.
●Makhluuqba uumayee.
●Magacyo ugu yeedhayoow.

●Eeboo marag iga ahoow.
●Markhaataan kaa dhigtaye.
 
●Waxaan qiray maxamed iyo.
●Rasuulkaagii mudnaa(scw)
●Malkada raadkiisi iyo.
●Tusaalaha muunada leh.
●Ee uu noo meeriyaa.
●Anigu malabkii kabaday
●Macaankiisana ku dhegay.
●Kalgacal muxibaan uqabo.
●Ayaa maankayga dagay.

●Eeeboow marag iga ahoow.
●Markhaataan kaa dhigtaye.

●waxaan qiray murayadii.
●camalka ugu moos adkay.
●salaad maqrib iyo cishaa  
●muftaax casar iyo aroor.
●duhurka in mawlaciyo.
●Masaajida lagu tukado.
●adiga mahadaa la noqo.

Eeeboow marag iga ahoow.
Markhaataan kaa dhigtaye.

●Waxaan qiray maal sakada.
●Miskiin kii dhibaato qaba.
●Duqayda maxastiyo sabool.
●Midkii safar caawintii.
●laxaadka midkaan lahayn.
●Mudayn xool loo qabsaday.
●Inaan siiyo maalintaa.
●Sadqada midigtayda baro.

●Eeeboow marag iga ahoow.
●Markhaataan kaa dhigtaye.

●Waxaan qiray macbuudkayow.
●Bishii maamuuska sharaf.
●Macnaha wayn nagu lahayd.
●Ee uu muminkaagu soon
●Anfaaci ka maago ee.
●Macaasi ka haajiree.
●Masjidka hooy laga dhigtee.
●Taraawiix iyo milgiyo.
●Khayrkii laga maala ee.
●Tahajudka loo soo mir kaco.

●Eeboow marag Iga ahoow.
●Markhaataan kaa dhigtaye.

●Waxaan qiray mawlohoow.
●Xajkii danbigii mugwayn.
●Midkii caydiyo afxumo.
●Amse maag iyo dhicii.
●Maluuqnaantiyo xantii.
●Halkii aad tidhi Mar uun.
●Ruxii xoogaa u mudho.
●Midigta ku dhigee hantiya.
●Awoodeedana mulkiya.
●Hasoo guto waa makee.
●Iyadu waa maqaam sare.
●Madiina hasoo cimrado.
●Musdalifiyo mina hatago.
●Bankii carafana ha maro.
●Danbigu haka maydhmo ee.

Shantii(5) Tiir ee Islaamka.

Curiye: Negeeye Xirsi

Maanso: Xushmaynta Haweenka

 


In kastoo Xakabaddii,
Xajinaysay Nabadiyo,
Xadhig Dawladnimo go'ay,
Xasilooni waa dhacay,
Misna Bilista Xaawalay,
Xabiib bay ahaayeen,
Xaqna way lahaayeen.

Waa la xeerin jirayoo,
Loona xeebban jirayoo,
Xajiin kii la doonaa,
Xakamaha la sudhi jiray.

Xaash'e xumaan iyo,
Ma gaydaan xagxagashoo,
Xinjirha Wadnaha iyo,
Xiska iyo Garaadkiyo,
Waxaad tihiin Xaniinyaha,
Nin Ragihi ku Xilo furo,

Waxa faraska Xamaree
Dirkii Xiin finiin dhalay,
Iyo Xayla kurus wayn,
Dahab iyo Xariir iyo,
Lagga bixiyo Xoolaha,
Waa idinka Xulantidu.

Marka ay xanaaqaan,
Kuwa Waran u xiimee,
Quruumuhu u xaaqmaan,
Waa idinka Xaawalay.

Xaash'e xumaan iyo,
Ma gaydaan xagxagashoo,
Xinjirha Wadnaha iyo,
Xiska iyo Garaadkiyo,
Waxaad tihiin Xaniinyaha,
Nin Ragihi ku xila furro.!!

Xasuus Hooyo muu hibban,
 Xanjeerka iyo fooshii,
Xooxdiyo listeedii
Xanaanadiyo Korintii,
Ma Xisaabshey Bilihii,
Uu xamaartay Uurkeed,
Ka xadgudubka falayaa.??

Walaal uu xaq dhawriyo,
Eedo loo xishaa iyo,
Xadiyooy Ayeeyiyo,
Habaryaro Xafidi jirray,
Xagna Miyuusan wali dayin?
Xaaskiisa bari iyo,
Xillihiisu waa  tumma?
Ka xadgudubka falayaa?

Alaylehe xalaal iyo,
Kuma dhalan xijaabkii,
Muslimiinta xidhi jirray.
Soo seexis xinifliyo
Xaaraan armuu yahay.!!??

Xaash'e Xumaan iyo,
Ma gaydaan xagxagashoo,
Xinjiraha Wadnaha iyo,
Xiska iyo Garaadkiyo,
Xuuralcaynta Dunidiyo,
Waxaad tihiin Xaniinyaha,
Nin Ragihi ku xilla furro..

Haddii Xaaduq Gaamuray,
Xaar walwaalyo inankii,
Ina Xuunsho koriseed,
Xayeeshaaga Liitaa,
Duudsiyey Xaqiinnii,
Waxa Jirra Xidaar Gob'a,
Iyo Geesi Xaalayn
Xilkastaad ku leedahay..



Xeer beegtidiiyeey,
Xoogga Dawladaha loow,
Xaakimkiyo Garsoorkoow,
Culimadda Xadiiskee,
Xajj iyo Saad Akhriyayoow,
Ururada Xuquuqdoow,
Kuwa Xilalka haystoow,
Xaadira dhamaanoo,
Intaad Golle u xaadhaan,
Gudadataan xilkiinnii,
Garashaddan xayiranta ah,
Xuubka aad ka goysaan,
Nin xad gudub haween gallay,
Xabbis iyo Dilliin iyo,
Xeer adag ku qaadoo,
Intaad wadda xansuuqdaan,
Xawda aad ka goysaan,
Xabbaalaha hallaggu darro.

Curiye: Negeeye Xirsi